განათლების ხარისხის გაუმჯობესება საქართველოს ერთ-ერთი ყველაზე მნიშვნელოვანი გამოწვევაა.
თავისუფალმა უნივერსიტეტმა მოგვცა შესაძლებლობა, ქართულ ენაზე მიგვეღო პრაქტიკით გამყარებული ცოდნა; დაგვეხმარა, შეგვეძინა კრიტიკულ აზროვნებაზე დაფუძნებული ღირებულებები და გაგვეცნო ადამიანები, რომლებიც დღეს ჩვენი მეგობრები, თანამოაზრეები და თანამებრძოლები არიან.
ფონდის შექმნით კურსდამთავრებულებს გვსურს, ახალგაზრდებს, რომლებიც სწავლობენ ან მომავალში ისწავლიან თავისუფალ უნივერსიტეტში, მივცეთ იმავე გარემოში განვითარებისა და სწავლის სრულყოფილი შესაძლებლობა.
თავისუფალი უნივერსიტეტის ალუმნი ფონდი ერთიანდება უნივერსიტეტის კურსდამთავრებულებისა და მეგობრების გარშემო და მიღებული შემოწირულობით ახალგაზრდებს ხარისხიანი განათლების მიღებაში ეხმარება.
ფონდი შეიქმნა თავისუფალი უნივერსიტეტის კურსდამთავრებულთა გარკვეული ჯგუფის ინიციატივით და არ წარმოადგენს თავისუფალ უნივერსიტეტსა და უნივერსიტეტის ყველა კურსდამთავრებულს
განსაკუთრებით მნიშვნელოვანია განათლებაზე ხელმისაწვდომობის ზრდა სოციალურად დაუცველი ჯგუფებისათვის. მათ ნაკლები შესაძლებლობა აქვთ, ისწავლონ თანამედროვე აკადემიურ სივრცეში და ამისათვის მეტი მხარდაჭერა ესაჭიროებათ.
2020 წლიდან, კურსდამთავრებულთა ფონდი მიზნად ისახავს, ყოველ ახალ მიღებაზე, სულ მცირე ერთ სოციალურად დაუცველ სტუდენტს დაუფინანსოს თავისუფალ უნივერსიტეტში სწავლა და პირველი სასწავლო წლის სტიპენდია. მინიმალური გეგმის შესასრულებლად საჭიროა 18,600 ლარის მობილიზება 2020 წლის სექტემბრამდე.
ვინ ფინანსდება
ალუმნი ფონდი დააფინანსებს 70,000-ზე ნაკლები სარეიტინგო ქულის მქონე სოციალურად დაუცველ ან სახელმწიფო ზრუნვის ქვეშ მყოფ* პირს, რომელიც ჩააბარებს თავისუფალ უნივერსიტეტში და ექნება ამავე მიღების, ამ კატეგორიებში შემავალ სტუდენტებზე მაღალი ქულა ერთიან ეროვნულ გამოცდებზე.
რა ფინანსდება
თავისუფალ უნივერსიტეტში სწავლის საფასური - ცოდნის ფონდისა და სახელმწიფო გრანტებს შორის სხვაობა, ოთხი წლის განმავლობაში.
ყოველთვიური 300-ლარიანი სტიპენდია პირველ სასწავლო წელს.
* დაფინანსების მოპოვება შესაძლებელი იქნება სტუდენტებისთვის, რომლებიც იმყოფებიან სახელმწიფო ზრუნვის ქვეშ (სააღმზრდელო საქმიანობის განმახორციელებელთან ან მინდობით აღზრდაში) ან გასული არიან სახელმწიფო ზრუნვიდან ბოლო 18 თვის განმავლობაში.
10,755 ლ
116
შეგროვებული თანხა
შემოწირულობათა რაოდენობა
ტელ.: 032 290 72 67
მობ.: +995 599 84 83 77
ელ. ფოსტა:
მის.: 33 მარაბდის ქ., 0179 თბილისი, საქართველო
ორშაბათი - პარასკევი 11:00 - 18:30
