დღეს Impel-ის თბილისის ოფისი წარმოადგენს ერთ-ერთ მთავარ ინოვაციურ ჰაბს, სადაც იქმნება და ვითარდება ის AI გადაწყვეტილებები, რომლებიც აერთიანებს ციფრული გაყიდვების, ავტომატური კომუნიკაციისა და გამოსახულების უახლეს შესაძლებლობებს. სასწავლო გრანტს Impel და მისი ადგილობრივი გუნდის წევრები აფინანსებენ.

​

„ვთვლით, რომ STEM მიმართულების სტუდენტების მხარდაჭერა ინვესტიციაა ჩვენი ქვეყნის მომავლისთვის. ტექნოლოგიებისა და ინოვაციების განვითარება სწორედ იმ ახალგაზრდებზეა დამოკიდებული, რომლებიც დღეს სწავლობენ და ხვალ ქმნიან ახალ რეალობას." – Impel-ის საქართველოს გუნდი.

​

იმპელის ინიციატივა ხელს შეუწყობს ნიჭიერ სტუდენტს, რათა ფინანსურმა ბარიერებმა არ შეუშალოს ხელი განათლების მიღებაში და საკუთარი შესაძლებლობების რეალიზებაში.

​

"არჩევანი გავაკეთეთ თავისუფალ უნივერსიტეტზე, რომელიც გამოირჩევა მაღალი აკადემიური სტანდარტებით, თანამედროვე მიდგომებით და სტუდენტების განვითარების მიმართ განსაკუთრებული ყურადღებით.

 

განსაკუთრებით აღსანიშნავია, რომ თავისუფალი უნივერსიტეტის კურსდამთავრებულთა რიცხვი ჩვენს კომპანიაში ძალიან მაღალია. სწორედ ამ კავშირმა და საერთო გამოცდილებამ განაპირობა ინიციატივის დაბადება და კომპანიის მხრიდან მისი ორგანიზება.

 

ჩვენთვის მნიშვნელოვანია, რომ ეს ინიციატივა არ შემოიფარგლოს მხოლოდ ფინანსური დახმარებით. ჩვენი მიზანია, მას თან ახლდეს მოტივაციის გაძლიერება და ის განცდა, რომ ახალგაზრდას გვერდით უდგას მხარდამჭერი კომპანია, რომელიც ზრუნავს მის მომავალზე.“