„STEM-ის მომავალი პროფესიონალის“ საგრანტო კონკურსი 2020 წლიდან ხორციელდება თავისუფალი უნივერსიტეტის სამართლის სკოლის ალუმნის, თამარ მენთეშაშვილის ინიციატივით. კონკურსის ფარგლებში MACS(E)-სა და ფიზიკის სკოლების გამორჩეული ხედვებისა და მიზნების მქონე გოგო სტუდენტებს ერთი წლის სწავლის საფასურის დაფინანსების მოპოვების შესაძლებლობა ეძლევათ. 

​​

STEM სფეროში განვითარება ახალგაზრდებისთვის ქმნის უსაზღვრო შესაძლებლობებს პროფესიული ზრდისა და წარმატებისთვის. თანამედროვე სამყაროში, სადაც ტექნოლოგიური პროგრესი, კვლევითი საქმიანობა და შემოქმედებითი აზროვნება სულ უფრო მეტ მნიშვნელობას იძენს, იზრდება მოთხოვნა პროფესიონალებზე, რომლებიც შეძლებენ ახალ იდეებსა და ინოვაციურ გადაწყვეტებზე მუშაობას.

​

კონკურსის მიზანი STEM მიმართულების გოგო სტუდენტების მხარდაჭერა და წახალისებაა, რათა მათ შეძლონ ამ სფეროში არსებული რესურსებისა და შესაძლებლობების ათვისება და საკუთარი პოტენციალის მაქსიმალურად რეალიზება.